Հիասթափություն է սպասվում բոլոր նրանց, ովքեր ցանկանում են կազմաքանդել Հայ Եկեղեցին․ Տեր Մաղաքիա քահանա

Մեծ հիասթափություն է սպասվում բոլոր նրանց, ովքեր ցանկանում են թուլացնել ու կազմաքանդել Առաքելահաստատ Հայ Եկեղեցին։ Այս մասին ֆեյսբուքյան իր էջում գրել է Տեր Մաղաքիա քահանա Օհանյանը։

««Մեր միջից ելան նրանք, բայց մեզնից չէին, որովհետև, եթե մեզանից լինեին, ապա մեր մեջ էլ կմնային»։( Սուրբ Հովհաննես Առաքյալ)

Մեծ հիասթափություն է սպասվում բոլոր նրանց, ովքեր բարեփոխումների կեղծ քողի տակ ցանկանում են թուլացնել ու կազմաքանդել Առաքելահաստատ Հայ Եկեղեցին։ Նրանք մնալու են ամոթով։

Չարի բոլոր կապանքները փշրվելու են ։

Ցավալի է, որ որոշ հոգևորականներ տրվելով գայթակղության՝ խախտեցին հավատարմության ուխտը և իրենց դուրս դրեցին մեր եղբայրությունից ու դարձան գործիք պառակտման ամոթալի գործընթացի։

Ապաշխարեցե’ք և ետ դարձե’ք ձեր խոտոր ճանապարհից, վաղը ուշ է լինելու։

Հայ Եկեղեցին հաղթանակած, զինվորյալ և անպարտելի եկեղեցի է։

Իմ որդիական սերն ու հավատարմությունն եմ հայտնում Մայր Աթոռ Սուրբ Էջմիածնին ու ազգիս Վեհափառ Հայրապետին։

Աստված պահապան մեր ազգին և մեր ուխտապահ հոգևոր դասին»,- նշել է նա։