Պետք է այնպես անել, որ Հայաստանը աշխարհում ճանաչվի. Արաքսյա Կարապետյան
27 Հոկտեմբերի 2023, 23:00
Պետք է այնպես անել, որ Հայաստանը աշխարհում ճանաչվի: Եթե միմյան հետ ենք աշխատում, կարող ենք միասին մի բան ստեղծել: Այս մասին Alpha News-ի ուղիղ եթերում ասել է «Fox 11» հաղորդավար Արաքսյա Կարապետյանը՝ պատասխանելով այն հարցին, թե ինչպես միաբանվել:
«Յուրաքանչյուրն իր վրա պիտի աշխատի: Դա սկսվում է քեզ ու դիմացինիդ հարգելուց: Եթե իրար չենք հարգում, ո՞նց ենք կարող իրար հետ աշխատել: Հպարտ լինելը կարևոր է, բայց համեստ լինելն ավելի կարևոր է: Սխալ մոտեցում է, երբ տեսնում ես միայն այն, ինչը քեզ համար է կարևոր ու քեզ է վերաբերում»,- ասել է հայազգի հաղորդավարը:
Նրա կարծիքով՝ յուրաքանչյուրս պիտի փորձենք մեր գործում լինել լավագույնը.
«Եթե ես անում եմ իմ գործը, պիտի փորձեմ անել բոլորից լավ, բոլորից ուժեղ: Այդ գործը կարող է լինել Հայաստանի համար, մեր ընտանիքի համար, ժողովրդի համար: Պետք է այնպես լինի, որ Հայաստանը աշխարհում ճանաչվի: Հայաստանն ի՞նչ ունի, պետք է առաջարկի ուրիշներին՝ տեխնոլոգիաներ, տուրիզմ: Եթե իրար հետ ենք աշխատում, կարող ենք իրար հետ մի բան ստեղծել: Ավելի կարևոր է իրար հետ աշխատելը, քան իրար անպատվելը: Դա սկսվում է տնից»,- եզրափակել է Արաքսյա Կարապետյանը:
Հիմա եթերում
