Ավետ Գաբրիելյան․ Կոմիտասի անվան լարային քառյակի հիմնադիրը  

Alpha News-ը շարունակում է ներկայացնել «Ալֆա պերսոնա» շարքը:

Հունիսի 19-ը ականավոր ջութակահար և Կոմիտասի անվան պետական լարային քառյակի հիմնադիր անդամներից Ավետ Գաբրիելյանի ծննդյան օրն է։ 

Նա ծնվել է 1899 թվականի հունիսի 19-ին Նախիջևանում (Դոնի Ռոստով): Ավարտել է Դոնի Ռոստովի երաժշտական դպրոցը, իսկ 1920-ականների սկզբին դասավանդել է երաժշտական ստուդիայում, որը հետագայում դարձել է Երևանի կոնսերվատորիան։ 

Գաբրիելյանը, ի թիվս այլոց, հանդես է եկել որպես անսամբլահար և մենակատար։ Գաբրիելյանը ցանկանում էր ամեն ինչ սովորել, ուստի որոշում է ուսումը շարունակել Մոսկվայի կոնսերվատորիայում՝ պրոֆեսոր Լև Ցեյտլինի դասարանում։ 

Ավելի ուշ Գաբրիելյանն ինքն է դասավանդել այստեղ, իսկ զուգահեռաբար սկսել է համերգային գործունեությունը։   

Շուտով Ավետ Գաբրիելյանը երաժիշտ-կատարողների համամիութենական մրցույթում ստանում է երկրորդ մրցանակը: Մրցույթը տեղի է ունենում Լենինգրադի ֆիլհարմոնիայի մեծ դահլիճում, և 1937 թվականի հոկտեմբերի 13-ին Գաբրիելյանն, ի թիվս այլ դափնեկիրների, ելույթ է ունենում ֆիլհարմոնիայի բեմում։ 

Ավետ Կարպովիչը երկու անգամ նվագում է հայտնի և վաստակավոր անսամբլի հետ՝ Չայկովսկու կոնցերտը Լեո Գինցբուրգի ղեկավարությամբ 1934 թվականին և Մենդելսոնի կոնցերտը Նաթանի ղեկավարությամբ։ 

Ավետ Գաբրիելյանի կյանքի կարևորագույն ստեղծագործությունը Կոմիտասի անվան լարային քառյակն էր, որում նա ավելի քան կես դար ստանձնել է առաջին ջութակի դերը։ 

Քառյակի կազմում երաժիշտը բազմիցս հանդես է եկել ֆիլհարմոնիայի կամերային ծրագրերում՝ Գլազունովի անվան Կոնսերվատորիայի դահլիճում, իսկ հետո՝ Գլինկայի անվան փոքր դահլիճում։ 

Ավետ Գաբրիելյանը մահացել է 1983 թվականին Երևանում։