Զավեն Մարտիրոսյան․ Կրկեսի ամենատարեց աշխատողը

Alpha News-ը շարունակում է ներկայացնել «Ալֆա պերսոնա» շարքը:

Հուլիսի 3-ին Ռուսաստանի վաստակավոր արտիստ, հաղորդավար և «Ցվետնոյ բուլվար» կրկեսի ամենատարեց աշխատակից Զավեն Մարտիրոսյանի ծննդյան օրն է։

Զավեն Գրիգորևիչը ի սկզբանե մարզիկ էր՝ օդային մարմնամարզիկ: Ավելի ուշ աշխատել է Հայաստանի կրկեսում՝ որպես տեսուչ։ Նա հաջողությամբ հանդես է եկել ծաղրածուների ռեպրիզների հետ միասին, որից հետո հայտնի դարձավ ամբողջ Խորհրդային Միությունում։

Հետագայում Մարտիրոսյանը տեղափոխվեց Մոսկվա և սկսեց աշխատել «Ցվետնոյ բուլվար» կրկեսում։ Զավեն Գրիգորևիչը համարվում էր կրկեսի ամենատարեց աշխատողը, և ոչ մի ներկայացում հնարավոր չէր պատկերացնել առանց նրա։

Լինելով արտիստ՝ ավելի քան 28 հազար անգամ կրկեսի ներկայացումներ է բացել «Ցվետնոյ բուլվար»-ում։

Մարտիրոսյանը կրկեսային այնպիսի հայտնի դեմքերի գործընկերն ու ընկերն էր, ինչպիսիք են Լեոնիդ Ենգիբարովը, Յուրի Նիկուլինը և Միխայիլ Շույդինը։

Մարտիրոսյանն ասել է․

«Հանդիսատեսի համար կրկեսը տոն է, իսկ մենք չգիտենք ոչ տոները, ոչ շաբաթ և կիրակի օրերը։ Մարդիկ գալիս են մեզ մոտ՝ վայելելու կյանքը, զվարճանալու, և մենք զվարճացնում ենք նրանց: Հաճախ ի վնաս մեր առողջությանը: Մեզ համար կրկեսը մշտական, շարունակական աշխատանք է, մինչև մեր մարմինը ցավի։ Այստեղ կարող են աշխատել միայն ֆանատիկոսները»։

Զավեն Գրիգորևիչը մահացել է 2009 թվականի մարտի 12-ին՝ երկարատև հիվանդությունից հետո։