Սանկտ Պետերբուրգի ՀԱԵ հոգևոր-կրթական կենտրոնում մեկնարկել է նոր ուսումնական տարին
17 Սեպտեմբերի 2024, 19:05
Սեպտեմբերի 15-ին Սանկտ Պետերբուրգի Հայ Առաքելական եկեղեցու Լազարյանների անվան հոգևոր-լուսավորչական կենտրոնում մեկնարկել է նոր ուսումնական տարին:
Սուրբ Եկատերինա եկեղեցում հանդիսավոր արարողությունից առաջ մանկավարժներին, աշակերտներին ու ծնողներին օրհնել է Սանկտ Պետերբուրգի հայ համայնքի հոգևոր հովիվ Եփրեմ քահանա Զարգարյանը։ Աղոթքից հետո Տեր Եփրեմը շնորհավորել է կենտրոնի սաներին ուսումնական տարվա մեկնարկի կապակցությամբ՝ մաղթելով բոլորին Աստծո օգնությունը, գիտելիքի ձեռքբերման գործում հաջողություններ, միմյանց հանդեպ բարություն, իմաստություն, ինչպես նաև քաջառողջություն և խոհեմություն։
Իսկ ավագ դպրոցի աշակերտներն ու խմբակների սաները շնորհավորել են առաջին դասարանցիներին՝ ուսումնական տարվա մեկնարկի կապակցությամբ:
Հիմա եթերում
