Նիգերիայի կառավարությունը Տիգրան Համբարյանին կանչել է իր երկիր ու ձերբակալել․ Ռոման Էբրահիմ
27 Սեպտեմբերի 2024, 13:00
Հայազգի Տիգրան Համբարյանն աշխատել է ԱՄՆ-ի ուժային կառուցներում: Նիգերիայի կառավարությունը նրան կանչել է իր երկիր ու ձերբակալել: Alpha News-ն այս թեմայի շուրջ զրուցել է Լոս Անջելեսի շրջանի դատախաղի տեղակալ Ռոման Էբրահիմի հետ:
«Տիգրանը 10 տարուց ավելի ԱՄՆ-ի հարկային դաշտում է աշխատել որպես դետեկտիվ: Շատ ճանաչված է եղել ԱՄՆ-ում: Նա միլիարդներով կարողացել է գողացված փողերը հետ բերել ու վերադարձնել կառավարությանն ու այն մարդկանց, որոնցից փողը գողացվել է:
Նիգերիայի օդանավակայանում վերցրել են Տիգրանի անձնագիրը ու պահել մի սենյակում մոտ մեկ ամիս: Դրանից հետո դատական գործ է հարուցվել»,- տեղեկացրել է Ռոման Էբրահիմը:
Նրա փոխանցմամբ՝ Տիգրանին այն բանտում են պահել, որտեղ ահաբեկիչների ու մարդասպանների են պահում:
«Նիգերիայի ամենավատ բանտում են պահել Տիգրանին, որտեղ մարդասպանների, տեռորիստների են պահում: Տիգրանը այնտեղ գնալուց առաջ որևէ խնդիր չի ունեցել, բայց հիմա ոտքի վրա չի կարողանում կանգնել, մի շարք առողջական խնդիրներ է ձեռք բերել: Որևէ օգնություն իրեն չեն տվել: Նիգերիայի կառավարությունն իրավունք չի տալիս,որ որևէ մեկն այցելի Տիգրանին:
Իմ կարծիքով՝ իրենք մտածում են, որ փողերի լվացման գործեր է եղել, որի մասնակից է եղել Տիգրանը Նիգերիայում ու ուզում են այդ փողերը հետ վերցնել: Բացի այն, որ Տիգրանը որևէ սխալ գործ չի արել, նրա աշխատանքը եղել է հենց այդ սխալ գործերը բացահայտելը:
Տիգրանին գերի են պահում»,- ասել է Ռոման Էբրահիմը:
Հիմա եթերում
