Թուրքիան և Բրիտանիան շահագրգռված են Ռուսաստանին Կովկասից դուրս մղելու հարցում. Դմիտրի Ռոդիոնով

ԻՀ աշխարհաքաղաքական հետազոտությունների կենտրոնի տնօրեն Դմիտրի Ռոդիոնովը Alpha News-ի հետ զրույցում մեկնաբանել է Թուրքիայի նախագահ Ռեջեփ Էրդողանի հայտարարությունն այն մասին, որ Անկարան շարունակելու է աշխատել Բաքվի հետ հայ-ադրբեջանական խաղաղ գործընթացի հարցում:

«Պատճառը, թե ինչու է Թուրքիան փորձում ստանձնել հայ-ադրբեջանական հակամարտության հիմնական մոդերատորի դերը, դա տարածաշրջանից դուրս մղելու փորձն է կամ գոնե էապես նվազեցնել իր հիմնական մրցակիցների՝ Ռուսաստանի և Իրանի ազդեցությունը։ Պետք է անդրադառնալ պատմությանը, որովհետև Անդրկովկասը միշտ եղել է Ռուսական կայսրության, Պարսկաստանի և Օսմանյան կայսրության ուղղակի մրցակցության տարածաշրջան։ Նրանց միջև անընդհատ պատերազմներ էին ընթանում։ Հիմա 21-րդ դարն է, և հասկանալի է, որ քաղաքակիրթ երկրներն իրենց մրցակցության հարցերը լուծում են մի փոքր այլ ձևերով։ Այնուամենայնիվ, այս մրցակցությունը ոչ մի տեղ չի գնացել: Թուրքիան, իհարկե, ցանկանում է իր սահմանը կապել անմիջապես Ադրբեջանի հիմնական տարածքի հետ, դուրս գալ Կասպից ծովի ափեր և այնուհետև սկսել իր էքսպանսիան դեպի Միջին Ասիա», — ասել է Ռոդիոնովը։

Փորձագետի կարծիքով՝ Թուրքիան և Բրիտանիան շահագրգռված են, որ Ռուսաստանը կովկասյան տարածաշրջանում սկզբունքորեն չլինի։

«Թուրքիան մեծ մասամբ բավականին լուրջ ազդեցություն է ունենում բրիտանական հատուկ ծառայությունների վրա, որոնք Թուրքիայի ձեռքով արդեն առաջին տարին չէ, որ զբաղվում են այդ տարածաշրջանում Ռուսաստանի շահերին հարվածներ հասցնելով։ Հետևաբար, չի կարելի անտեսել այն փաստը, որ կա ոչ միայն Թուրքիայի շահը՝ Ռուսաստանին Կովկասից դուրս մղելու, այլև Լոնդոնի շահագրգռվածությունը։ Ե՛վ Բրիտանիան, և՛ Թուրքիան շահագրգռված են, որ Ռուսաստանն այս տարածաշրջանում սկզբունքորեն չլինի։ Այսինքն՝ դա տարածքի մրցակցություն է, ռեսուրսների մրցակցություն։ Թուրքիայի համար կարևոր է նույնիսկ ոչ թե Ադրբեջանը, այլ ելքը դեպի Միջին Ասիա, դեպի միջինասիական շուկաներ», — եզրափակել է Ռոդիոնովը։