«Շարունակում ենք առաջ գնալ»․ Կարեն Խաչանովը Փարիզում հաղթանակից հետո գրառում է կատարել

Ռուսաստանաբնակ հայազգի թենիսիստ, աշխարհի 21-րդ ռակետ Կարեն Խաչանովը գրառում է կատարել Փարիզում կայացած «Մաստերսի» 1/8 եզրափակիչ դուրս գալուց հետո:

Հոկտեմբերի 30-ին երկրորդ շրջանի խաղում Խաչանովը կամային հաղթանակ է տարել աշխարհի 31-րդ ռակետ Ջովաննի Մպետչի Պերիկարի նկատմամբ 6:7 (12:14), 6:1, 6:4։

«Սա Փարիզն է։ Շարունակում ենք առաջ գնալ», — սոցցանցերում գրել է Խաչանովը։

Փարիզում կայանալիք «Մաստերսի» հաջորդ շրջանում թենիսիստը կմրցի ավստրալացի Ալեքսեյ Պոպիրինի հետ, որը երկրորդ շրջանում հաղթել է ռուսաստանցի Դանիիլ Մեդվեդևին: