Վարդգես Ավագյանի քանդակների ցուցադրությունը՝ Չելյաբինսկում

Չելյաբինսկի Նաում Օրլովի անվան դրամատիկական թատրոնում «Արվեստների գիշեր» միջոցառման շրջանակներում ներկայացվել է քանդակագործ Վարդգես Ավագյանի աշխատանքների ցուցահանդեսը։

Միջոցառման ընթացքում արվեստաբան Ելենա Ուստյանցևան խոսել է նկարչի ստեղծագործության մասին:

Վարդգես Ավագյանը խորհրդային և ռուս քանդակագործ է, ԽՍՀՄ Նկարիչների միության անդամ, ՌԽՖՍՀ վաստակավոր նկարիչ, ՌԴ ժողովրդական նկարիչ, Չելյաբինսկի պատվավոր քաղաքացի: Չելյաբինսկում տեղադրված նրա մոնումենտալ քանդակների շարքում առանձնանում են ակադեմիկոս Ի. Վ. Կուրչատովի հուշարձանը, Պրոկոֆևի հուշարձանը, «Վիշտ», «Անդունդի վրայով», «Բռնաճնշումներ» քանդակագործական պատկերները և այլն։