Քանի դեռ ռուս խաղաղապահները տեղակայված են Ղարաբաղում, այնտեղ մեծ էսկալացիա չի կարող լինել. Եվգենի Սատանովսկի

Քանի դեռ Ղարաբաղում տեղակայված են ռուս խաղաղապահներ, նոր էսկալացիա չի լինի, սակայն, ըստ ստորագրված պայմանագրերի, ԼՂՀ-ում նրանց գտնվելու ժամկետը մոտ է ավարտին։

Այս մասին Alpha News-ին տված հարցազրույցում ասել է Մերձավոր Արևելքի ինստիտուտի հիմնադիր և նախագահ, պրոֆեսոր Եվգենի Սատանովսկին՝ պատասխանելով այն հարցին, թե հայ-ադրբեջանական սահմանին և Ղարաբաղում առկա լարվածությունը կարող է հանգեցնել նոր էսկալացիայի։

«Քանի դեռ Ղարաբաղում կան ռուս խաղաղապահներ, ոչ, չի կարող։ Բայց ստորագրված պայմանագրերի համաձայն՝ ռուս խաղաղապահները երկար չեն մնա այնտեղ, և իրավիճակն այսօր արմատապես փոխվել է։ Նիկոլ Փաշինյանը հրաժարվեց Ղարաբաղից՝ ասելով՝ սա Ադրբեջանի տարածքն է։ Ալիևը միանգամայն հստակ ասաց, որ Ղարաբաղի ժողովրդին առաջարկում է կամ ընդունել Ադրբեջանի քաղաքացիություն և ապրել Ադրբեջանի օրենքներով, կամ հեռանալ։ Սա նշանակում է մոտավորապես նույնը, ինչ Թուրքիայում ապրելը։ Թուրքիայում, որը, անշուշտ, չի ճանաչի Հայոց ցեղասպանությունը»,- հավելել է Սատանովսկին։