Նիժնի Նովգորոդի հայերը «Արևածաղիկ» փառատոնին ներկայացրել են ազգային մշակույթը

Նիժնի Նովգորոդում տեղի է ունեցել «Արևածաղիկ» ազգային մշակույթների փառատոնը, որին մասնակցել են քաղաքի Ազգային և մշակութային համայնքների ստեղծագործական խմբերը:

Կ.Ս. Քոչարյանի ղեկավարած «Նաիրի» ազգագրական պարի համույթը փառատոնի հյուրերին հիացրել է հայկական «Բերդ» պարով: Հայ համայնքի ներկայացուցիչները ցուցադրել են նաև ազգային տարազներ, կազմակերպել են հայկական երաժշտական գործիքների և ոսկերչական իրերի ցուցադրություն։