Կիթառահար Արթուր Մարությանցը ելույթ է ունեցել Կուբայում

Ռուսաստանի հոգևոր մշակույթի օրերի ծրագիրը Կուբայում պաշտոնապես մեկնարկել է ՌԴ վաստակավոր արտիստ Նինա Շացկայայի համերգով: Այս մասին հաղորդում է ՏԱՍՍ-ը:

Երգչուհին ելույթ է ունեցել Հավանայի գեղարվեստի թանգարանի թատերական դահլիճում՝ կիթառահար Արթուր Մարությանցի երաժշտական ուղեկցությամբ: Մեկուկես ժամվա ընթացքում բեմից հնչել են ռուսական ռոմանսներ:

«Կուբացիները ջերմորեն ընդունել են ռուս երաժիշտներին՝ ձայնակցելով և չխնայելով ծափահարությունները», — գրում է պարբերականը:

Արթուր Մարությանցը (բեմական անունը՝ Arturo De Rena), կիթառահար է, կոմպոզիտոր և գործիքավորող։ Աշխատում է ֆլամենկո-ֆյուժն ոճով։