Դանիել Գևորգյանը հրավիրվել է Հայաստանի բասկետբոլի հավաքական

ՌԴ Սվերդլովսկի մարզի բասկետբոլի դպրոցի 24-ամյա սան Դանիել Գևորգյանին հրավիրել են Հայաստանի բասկետբոլի հավաքական։ Նա առաջին անգամ ազգային հավաքականի կազմում կմասնակցի պաշտոնական խաղին։

Բասկետբոլի աշխարհի առաջնության որակավորման խաղին նախապատրաստվելու շրջանակներում Հայաստանի հավաքականը հանդիպել է Վրաստանի «VSA» բասկետբոլային ակումբի հետ, որտեղ Դանիել Գևորգյանը թիմին բերել է 13 միավոր, կատարել է 2 անդրադարձ, 2 գնդակի խլում և 1 արդյունավետ փոխանցում: Հանդիպումն ավարտվել է 80:75 հաշվով՝ հօգուտ «VSA» ԲԱ-ի։

Նոյեմբերի 24-ին Հայաստանի հավաքականը աշխարհի առաջնության որակավորման փուլում կմրցի Ավստրիայի ընտրանու հետ:

Դանիել Գևորգյանը հանդես է գալիս Երևանի «Ուրարտու»-ի կազմում: