Միգել Մովսիսյանը՝ Կուբանի «Անուն» վոկալ մրցույթի բացարձակ հաղթողը

Կրասնոդարի երաժշտական թատրոնում կայացել է «Անուն» մրցույթի եզրափակիչ փուլը։ Մրցույթին ելույթ է ունեցել 16 մասնակից։

Վոկալի մրցույթի հաղթող է դարձել Յուժնի գյուղի բնակիչ Միգել Մովսիսյանը։ Հաղթողի կոչումից բացի Միգելը ստացել է 1,5 մլն ռուբլի։

Երգիչ Միգել Մովսիսյանը ի ծնե կույր է, բայց ինքն իրեն գտել է ոչ միայն երաժշտության մեջ, այլ նաև այլ բնագավառներում. ակտիվորեն բլոգ է վարում սոցիալական ցանցերում, խոսում է վեց լեզվով և շատ է կարդում։