Արշակ Մուրադյանի սաները նվաճել են Պյատիգորսկի սուսերամարտի առաջնության բոլոր մեդալները

Հայ մարզիչ Արշակ Մուրադյանի արմավիրցի սաները երեք մեդալ են նվաճել Պյատիգորսկի սուսերամարտի բաց առաջնությունում:

Մարզիկները գրավել են բոլոր մրցանակային տեղերը՝ նվաճելով մրցաշարի ոսկե, արծաթե և բրոնզե մեդալները։

«Ինձ համար կարևոր էր տեսնել, թե ինչպես են նրանք հաղթահարում այն խնդիրները, որոնք ես դնում էի յուրաքանչյուր մենամարտից առաջ: Տղաներն իրենց լավ դրսևորեցին»,- նշել է սուսերամարտի մարզիչը։