Հայաստանն իմ «էթնիկ կոդն» է. Արմաիս Կամալով
31 Դեկտեմբերի 2024, 22:00
Ի՞նչն է օգնում մեզ՝ հայերիս, որտեղ էլ որ ապրենք, սիրված և պահանջված լինել, հասնել հաջողության, պահպանել ազգային ու ընտանեկան արժեքները։
Alpha News-ի «Էթնիկ կոդի»-ի հերթական թողարկման հերոսը Ռուսաստանի գիտությունների ակադեմիայի ակադեմիկոս, պրոֆեսոր, բժշկական գիտությունների դոկտոր, Մ. Վ. Լոմոնոսովի անվան Մոսկվայի պետական համալսարանի բժշկական գիտակրթական ինստիտուտի համալսարանական կլինիկայի ղեկավար Արմաիս Կամալովն է:
«Մենք շատ սերտ կապեր ենք պահպանում Հայաստանի հետ, վերջերս այնտեղ համատեղ միջոցառումներ ենք անցկացրել։
Հպարտ եմ, որ Հերացու անվան ԵՊԲՀ-ի պատվավոր դոկտոր եմ։ Եվ ինձ կրկնակի հաճելի է, որ ընտրվել եմ Հայաստանի Գիտությունների ազգային ակադեմիայի արտասահմանյան անդամ։
Ես շատ սերտ կապ ունեմ Հայաստանի ինչպես բժշկական, այնպես էլ գիտական հանրության հետ», — ասել է Կամալովը։
Պրոֆեսորի խոսքով՝ անհրաժեշտ է ամրապնդել Սփյուռքի և Հայաստանի միջև կապերը, քանի որ գիտության և մշակույթի շատ գործիչներ պատրաստ են ծառայել ի բարօրություն իրենց հայրենիքի, նույնիսկ գտնվելով նրա սահմաններից դուրս:
«Հիշենք Մերգելյան, Սարյան ազգանունները, նրանք Հայաստանում չէին ապրում, նրանք հրավիրվեցին և իրենց պարտքն էին համարում գալ և օգնել իրենց հայրենիքին վերածնվել: Եվ, ի դեպ, Խորհրդային Միության բոլոր հանրապետություններից Հայաստանն ամենահզորն էր ինդուստրիալիզացման տեսանկյունից», — ընդգծել է Կամալովը։
Մանրամասները՝ տեսանյութում
Հիմա եթերում
