Տագանկայի թատրոնում տեղի կունենա Էդգար Զաքարյանի մոնոներկայացման պրեմիերան
21 Օգոստոսի 2025, 09:20
Մոսկվայի Տագանկայի թատրոնում օգոստոսի 21-ին տեղի կունենա ռեժիսոր Էդգար Զաքարյանի «Վասիլի Ուրիևսկի. Իմ կյանքն արվեստում․ 2» մոնոներկայացման պրեմիերան։
«Սա կարծես մի հարցազրույց լինի, որը երբեք չի եղել և չի լինի։ Հարցազրույց, որտեղ ինձ հարցրին՝ «Ի՞նչ է Տագանկան ինձ համար»։ Եվ այս մոնոներկայացումը, որտեղ, իհարկե, կհնչեն նաև երգեր կիթառի նվագակցությամբ, այս հարցի պատասխանն է։ Հիմքում իմ գրած տեքստն է։ Սա պիես չէ, այլ ավելի շուտ՝ պատմվածք։ Երազանքի, բախտի, այն մասին, թե ինչպես հայտնվեցի Տագանկայի թատրոնում, ինչպես նաև մարդկանց և առարկաների կախարդական միահյուսումների մասին»,- պատմել է դերասան և երաժիշտ Վասիլի Ուրիևսկին։
Բեմադրությունում ճակատագրի փիլիսոփայական մտորումների փոխարեն ներկայացվում են ջերմ և անկեղծ դրվագներ կյանքից, որոնք սովորաբար մնում կուլիսների հետևում։ Պատմություններ այն մասին, թե ինչպես է ճանապարհը ոչ միշտ ընթանում ըստ պլանի, բայց անպայման տանում է ճիշտ ուղղությամբ։ Այն մասին, որ պատահականությունները ամենևին էլ պատահական չեն․ հանդիպումները շրջում են ճակատագրեր, վայրերը ձգում են, ինչպես մագնիսը, իսկ մանկական երազանքներն իրականություն են դառնում։
Հիմա եթերում
