Փաստացի ԵՄ-ի աջակցությունը դառնում է արտաքին միջամտություն. Բադալյանը՝ Կալասի հայտարարության մասին
15 Դեկտեմբերի 2025, 20:00
Հայաստանն իր քաղաքացիներին պետք է հաշվետվություն ներկայացնի՝ ի՞նչ արտաքին միջամտությունների մասին է խոսքը, ինչո՞ւ չի կարող կանխել իր ռեսուրսներով ու ինչո՞ւ է առաջացել ԵՄ-ին դիմելու անհրաժեշտությունը: Այս մասին AlphaNews-ի հետ զրույցում ասել է քաղաքական մեկնաբան Հակոբ Բադալյանն՝ անդրադառնալով Եվրոպական հանձնաժողովի փոխնախագահ Կայա Կալասի այն հայտարարությանը, թե Հայաստանը ԵՄ-ից օգնություն է խնդրել արտաքին միջամտությունը կանխելուհամար:
«Սա իշխանության կարիքների համար գումար ուզել է: Այդ գումարը անկասկած դե ֆակտո վերածվելու է որոշակի ընտրական ֆինանսական աջակցության, որ Եվրամիությունը տրամադրում է Հայաստանին: Փաստացի ԵՄ-ի աջակցությունը դառնում է արտաքին միջամտություն»,- նշել է Բադալյանը:
Նա նաև ասել է, «ձրի պանիրը միայն թակարդում է լինում» և հիշեցրել, որ այսօր, երբ ԵՄ-ն Ուկրաինային պետք է ֆինանսական աջակցություն ցուցաբերի, անգամ այդ հարցում վատ վիճակում է:
«Եվրամիությունը հենց այնպես Հայաստանին մեկ լումա չի տրամադրի: Հարցն այն է՝ ինչ քաղաքական գին է վճարելու Հայաստանը ԵՄ-ից ստացված օգնության դիմաց»,- ընդգծել է Բադալյանը:
Մանրամասները՝ տեսանյութում:
Հիմա եթերում
