Ալիևն այժմ Ռուսաստանից հեռացման փուլում է. Անդրեյ Պերլա

Քաղաքագետ Անդրեյ Պերլան Alpha News-ին տված հարցազրույցում մեկնաբանել է, թե ինչով է պայմանավորված Ադրբեջանի նախագահ Իլհամ Ալիևի ՝ Սանկտ Պետերբուրգում կայացած Անկախ Պետությունների Համագործակցության (ԱՊՀ) երկրների ղեկավարների ոչ պաշտոնական գագաթնաժողովին մասնակցելուց հրաժարվելը:

«Ալիևն, ըստ ամենայնի, այժմ գտնվում է Ռուսաստանի հետ համագործակցությունից առավելագույն հեռացման փուլում: Սա, ընդհանուր առմամբ, ցիկլիկ պատմություն է, քանի որ, ինչպես հետխորհրդային տարածքի շատ այլ առաջնորդներ, Ադրբեջանի ղեկավարը՝ բազմավեկտորություն խաղալով, մերթ մոտենում է Ռուսաստանին նվազագույն հեռավորության վրա, մերթ առավելագույնս հեռանում նրանից՝ փորձելով ցուցադրել իր քաղաքական ինքնուրույնությունը: Հիմա նա առավելագույնս հեռացած է: Դրա համար կա օբյեկտիվ պատճառ:

Պատճառն այն է, որ Ադրբեջանի առաջնորդը շահագրգռված է այսպես կոչված «Զանգեզուրի միջանցքի» զարգացմամբ, իսկ դա նշանակում է, որ շահագրգռված է Թուրքիայի և ԱՄՆ-ի հետ համագործակցությամբ: Սակայն, ինչպես լիովին իրավացիորեն նշել է Ռուսաստանի նախագահի մամուլի քարտուղարը, այն փաստից, որ Ալիևը ներկա չէր ԱՊՀ գագաթնաժողովին, Ռուսաստանի և Ադրբեջանի հարաբերությունները, ըստ էության, չեն փչանում: Սա ավելի շուտ դրվագ է, քան իրականում նշանակալի իրադարձություն»,- ասել է Պերլան։