Մոսկվայի համար տարօրինակ է հյուսիսից լսել Երևանին սպառնացող առասպելական սպառնալիքի մասին. Լավրով

Ռուսաստանը ժամանակ առ ժամանակ լսում է տարօրինակ հայտարարություններ Հայաստանի դեմ հյուսիսից իբր նախապատրաստվող «առասպելական հարձակումների» մասին։ Այս մասին Մոսկվայում ՀՀ Ազգային ժողովի նախագահ Ալեն Սիմոնյանի հետ բանակցությունների ընթացքում հայտարարել է Ռուսաստանի արտաքին գործերի նախարար Սերգեյ Լավրովը։

«Մեզ համար որոշ չափով տարօրինակ է պարբերաբար լսել հայտարարություններ այն մասին, թե իբր Հայաստանի դեմ հյուսիսից ինչ-որ առասպելական հարձակումներ են նախապատրաստվում, կամ թե ՀԱՊԿ-ի կողմից գոյաբանական սպառնալիքի մասին։ Ձեզ մոտ մեկնարկել է խորհրդարանական ընտրություններին նախապատրաստվելու գործընթացը։ Կարող եմ Ձեզ հավաստիացնել, որ երբ արտերկրից հնչում են ազդակներ այն մասին, թե ինչ-որ մեկը պատրաստվում է միջամտել՝ ակնհայտ ակնարկելով Ռուսաստանի Դաշնությանը, և երբ Երևանից Եվրամիությանը հասցեագրվում են կոչեր՝ «օգնեք մեզ թույլ չտալ նման միջամտություն», մեզ համար դա տարօրինակ է», — ասել է ՌԴ ԱԳ նախարարը։

Լավրովի խոսքով՝ նույն շարքին են պատկանում նաև փորձերը կասկածի տակ դնելու Ռուսաստանի և Հայաստանի համատեղ պատմությունը խորհրդային ժամանակաշրջանում, այդ թվում՝ Հայրենական մեծ պատերազմի տարիներին։