Հայկական արվեստի երեկո՝ Մինսկում

Բելառուսի երաժշտության պետական ակադեմիայում, Լ. Ս. Մուխարինսկայայի հիշատակին նվիրված միջազգային գիտական ընթերցումների և էթնոմշակույթների ֆորումի շրջանակներում, տեղի է ունեցել դասախոսություն-համերգ՝ նվիրված հայկական եկեղեցական երգարվեստի ժառանգությանը։ Այն կրել է «Աստվածային պատարագ» խորագիրը։

Միջոցառմանը մասնակցել են Մինսկի Սուրբ Գրիգոր Լուսավորիչ եկեղեցու հոգևոր հովիվ Տեր Սարգիս քահանա Չոփուրյանը, եկեղեցական երգչախումբը, ինչպես նաև Երևանի Կոմիտասի անվան պետական կոնսերվատորիայի շրջանավարտներ Ցոլակ Հարությունյանը և Անդրանիկ Մալխասյանը։

Ծրագրում հնչել են Մակար Եկմալյանի պատարագից հատվածներ և Կոմիտասի ստեղծագործությունները։ Կատարումը հնարավորություն է տվել ունկնդիրներին ավելի խորությամբ ծանոթանալու հայկական հոգևոր երաժշտությանը գեղեցկությունը։ Ելույթը մեծ հետաքրքրություն է առաջացրել ինչպես մասնագետների, այնպես էլ հոգևոր երաժշտության սիրահարների շրջանում։