Ռուսաստանը ցանկանում է տեսնել ուժեղ և անկախ Հայաստան՝ որպես հակակշիռ Թուրքիային և Ադրբեջանին․ Ալեքսեյ Անպիլոգով
13 Ապրիլի 2026, 21:30
Քաղաքագետ Ալեքսեյ Անպիլոգովը Alpha News-ի հետ զրույցում մեկնաբանել է Անդրկովկասում քաղաքական դասավորությունները՝ Կրեմլում Վլադիմիր Պուտինի և Նիկոլ Փաշինյանի հանդիպման ֆոնին։
«Ռուսաստանը ցանկանում է տեսնել ուժեղ և անկախ Հայաստան՝ որպես հակակշիռ Թուրքիային և Ադրբեջանին Անդրկովկասում։ Միևնույն ժամանակ պետք է հասկանալ, որ մինչ այժմ Փաշինյանի քաղաքական գիծը հիմնված էր հենց Հայաստանի ապագայի այս ընկալման վրա, և այստեղ նա, ինչպես իրեն էր թվում, դաշնակիցներ էր գտել ԱՄՆ-ի դեմքով։
Սակայն այժմ ԱՄՆ-ը, Իրանի հետ հակամարտության արդյունքներով, զգալիորեն թուլացրել է իր դիրքերը Անդրկովկասում ապագա ծրագրերի տեսանկյունից։ Եվ սա, անշուշտ, Փաշինյանը պետք է հաշվի առնի։ Դրանից բխում է անհրաժեշտությունը՝ ինչ-որ կերպ հարաբերություններ կառուցել ինչպես Ռուսաստանի, այնպես էլ, թվում է թե ռմբակոծված, բայց միաժամանակ աշխարհաքաղաքական առումով ուժեղացած Իրանի հետ»,- կարծում է Անպիլոգովը։
Քաղաքագետը նշում է, որ Հայաստանի եվրոպական ձգտումները չեն մնա աննկատ ռուսական կողմի համար, իսկ Հայաստանը զբաղեցնում է շատ կարևոր տեղ Ռուսաստանի տարածաշրջանային քաղաքականության մեջ Հարավային Կովկասում։
Հիմա եթերում
