ՀՀ իշխանությունների վերընտրման դեպքում կվերածվենք Արևմտյան Ադրբեջանի․ Անժելա Աչիկգյոզյան

Oրերս Փարիզում տեղի է ունեցել Սփյուռքի զորաշարժին նվիրված խորհրդաժողով, որին մասնացել է ավելի քան 26 երկրի 150-ից ավելի ներկայացուցիչ։Նրանց մեջ կային հասարակական, քաղաքական գործիչներ, որոնք բարձրաձայնել են Սփյուռքի հետ կապված բազմաթիվ հարցեր։ Alpha News-ը թեմայի վերաբերյալ զրուցել է Արևելյան բժշկական գիտությունների դոկտոր, պրոֆեսոր Անժելա Աչիկգյոզյանի հետ։

«Շատ լավ էր,որ կային ներկայացուցիչներ և՛ Հայաստանից, և՛ Արցախից։ Շատ կարևոր էր, որ ներկա էր նաև Արցախի նախագահի պաշտոնակատար Աշոտ Դանիելյանը։ Սա առաջին մոբիլիզացիոն խորհրդաժողովն էր,որը նվիրված էր սփյուռքի և Հայաստանի կապերի զարգացմանը, սփյուռքի զարգացմանը, Հայաստանի հզորացմանը նվիրված քայլերին։ Եվ անշուշտ մի քանի շատ հիմնական խնդիրներ արծարծվեցին։ Այդ հիմնական խնդիրներից է Արցախի և արցախցիների վերադարձը և ազգային ինքնությունը ներկայացնող սիմվոլների պահպանումը»,- նշել է Անժելա Աչիկգյոզյանը։

Նրա փոխանցմամբ՝ անդրադարձ է կատարվել նաև Հայաստանում առաջիկա խորհրդարանական ընտրություններին։

«Ես իմ խոսքի ժամանակ ասացի,որ եթե չլինի Հայաստան, չի լինի Սփյուռք։ Բայց եթե չլինի Սփյուռք, նաև չի լինի Հայաստան։ Ես այս կապի կարևորությունը շատ հստակ եմ տեսնում։Եվ եթե մենք հանկարծ թույլ տանք, որ գործող իշխանությունները նորից ընտրվեն,դա արդեն կլինի Հայաստանի վերածումը Արևմտյան Ադրբեջանի»,-նշել է Աչիկգյոզյանը։

Մանրամասները՝ տեսանյութում։