Իրանը Հայաստանին գազի մատակարարումների ընդլայնման նախագիծ է առաջարկել

Իրանը Հայաստանին առաջարկել է գազի մատակարարումների ընդլայնման նախագիծ։ Այս մասին Հայաստանի տարածքային կառավարման և ենթակառուցվածքների նախարար Դավիթ Խուդաթյանի հետ հանդիպման ժամանակ հայտարարել է Իսլամական Հանրապետության նավթի նախարար Մոհսեն Փաքնեժադին։ Այս մասին հայտնում է իրանական Mehr գործակալությունը։

Ավելի վաղ հայտնել էինք, որ ՀՀ տարածքային կառավարման և ենթակառուցվածքների նախարար Դավիթ Խուդաթյանն Իրանի մայրաքաղաք Թեհրանում հանդիպել է Իրանի նավթի նախարար Մոհսեն Փաքնեժադիին։

Իրանի նավթի նախարարն ընդգծել է, որ էներգետիկ ոլորտում երկու երկրի գործակցությունը հիմնված է իրանական գազի դիմաց հայկական էլեկտրաէներգիայի մատակարարման վրա։ Այնուամենայնիվ, Իրանը համագործակցության ընդլայնման տարբերակներ է առաջարկել։

Հանդիպման արդյունքներով կողմերը պայմանավորվել են ստեղծել էներգետիկ հարցերով աշխատանքային խումբ՝ շեշտը դնելով գազի մատակարարումների վրա։ Նա առաջարկել է հնարավորինս շուտ սկսել այդ խմբի աշխատանքը, որպեսզի հաջորդ բանակցությունների ընթացքում կողմերը կարողանան գնահատել դրա աշխատանքի արդյունքները։

Կողմերը քննարկել են էներգետիկայի ոլորտում պոտենցիալ ծրագրերի մեծ ծավալ, այդ թվում՝ Հայաստանում նավթավերամշակման գործարանի կառուցումը, երկկողմ առևտրի ընդլայնումը, իրանական ընկերությունների կողմից Հայաստանում ինժեներական նախագծերի իրականացումը։

Փաքնեժադին նաև շնորհակալություն է հայտնել Հայաստանին՝ դժվարին պահին Իրանին աջակցելու համար, և պատրաստակամություն է հայտնել ամրապնդելու երկկողմ համագործակցությունը տնտեսական հնարավորությունների շրջանակներում։

Նշենք, որ Իրանից Հայաստան տարեկան մատակարարվում է ավելի քան 400 միլիոն խորանարդ մետր գազ (2025 թվականին՝ 477 միլիոն)՝ հայկական ջերմային էլեկտրակայանների մի մասի աշխատանքի համար։ Հայաստանի մյուս սպառողների համար գազը ներկրվում է Ռուսաստանից՝ տարեկան ավելի քան 2,2 միլիարդ խորանարդ մետր ծավալով (2025 թվականին՝ 2 միլիարդ 230 միլիոն)։