Եկեղեցիների համաշխարհային խորհուրդը խոր մտահոգություն է հայտնել Հայ առաքելական եկեղեցու շուրջ ստեղծված իրավիճակի կապակցությամբ

Եկեղեցիների համաշխարհային խորհուրդը (World Council of Churches, WCC) խոր մտահոգություն է հայտնել Հայ առաքելական եկեղեցու շուրջ ստեղծված իրավիճակի կապակցությամբ։

WCC-ն հայտարարել է, որ անհանգստացած է եկեղեցու ներքին գործերին «ոչ պատշաճ միջամտությամբ» և ընդգծել է Հայ առաքելական եկեղեցու կարևոր դերը հայ ժողովրդի հոգևոր, մշակութային և պատմական կյանքում։

Կազմակերպությունը հույս է հայտնել, որ հակամարտությունը կլուծվի այնպես, որ կնպաստի ողջ հայ ժողովրդի բարօրությանը, և հայտնել է իր աղոթքն ու աջակցությունը Հայ եկեղեցուն ու հայ ժողովրդին։