Մարիա Ազիզյանը՝ J60 Burgas պատանեկան թենիսի մրցաշարի հաղթող

15-ամյա հայ թենիսիստուհի Մարիա Ազիզյանը դարձել է Բուլղարիայում անցկացված ITF J60 Burgas պատանեկան մրցաշարի հաղթող։

Եզրափակիչում Ազիզյանը լարված պայքարում 6։2, 3։6, 7։6 (7։4) հաշվով հաղթել է Իտալիան ներկայացնող Աննա Ներելիին՝ նվաճելով չեմպիոնի կոչումը։

Մարիան մրցաշարը սկսել է որակավորման փուլից և դրա ընթացքում անընդմեջ վեց հաղթանակ է տարել։ Մինչև եզրափակիչ հասնելը նա հերթականությամբ հաղթել է Բուլղարիան ներկայացնող երեք թենիսիստուհիների, Ուկրաինայի մեկ ներկայացուցիչի և ևս մեկ իտալացի մարզուհու։