Հայաստանում օգոստոսին 12-ամսյա գնաճը կազմել է 4.4%

Օգոստոսին Հայաստանում գնաճը տարեկան կտրվածքով կազմել է 4,4%՝ նախորդ ամսվա 4,5%-ի համեմատ։ Այս մասին ասվում է Եվրասիական զարգացման բանկի (ԵԱԶԲ) պատրաստած մակրոտնտեսական զեկույցում։

Գնաճի դանդաղման հիմնական գործոնը պարենային ապրանքների գների աճի տեմպերի նվազումն է։ Օգոստոսին դրանք տարեկան կտրվածքով աճել են 6,4%-ով, մինչդեռ մեկ ամիս առաջ աճը կազմում էր 7,4%։ Դա պայմանավորված է գյուղատնտեսական արտադրանքի որոշ տեսակների գների նվազմամբ։

Ոչ պարենային ապրանքների գներն աճել են 2,4%-ով տարեկան կտրվածքով՝ փոքր-ինչ դանդաղելով նախորդ ամսվա՝ 2,5% ցուցանիշի համեմատ։

Միևնույն ժամանակ ծառայությունների ոլորտում գնաճն արագացել է՝ տարեկան կտրվածքով 1,8%-ից հասնելով 2,8%-ի։ Դա պայմանավորված է տրանսպորտային ծառայությունների սակագների ավելի արագ աճով։