Լեգենդը չի մոռացվում․ Ռուսաստանի մարզադաշտերում ծափահարություններով հարգել են Նիկիտա Սիմոնյանի հիշատակը

Ռուսաստանի գավաթի խաղարկությունից առաջ երկրի 15 քաղաքներում տեղի է ունեցել ծափահարությունների րոպե՝ ի հիշատակ լեգենդար խորհրդային ֆուտբոլիստ և մարզիչ, 1956 թվականի օլիմպիական չեմպիոն Նիկիտա Սիմոնյանի։

Հոկտեմբերի 12-ին լրացել է Նիկիտա Սիմոնյանի ծննդյան 100-ամյակը։ Ֆուտբոլային ակումբներն ու տրիբունաներում հավաքված հազարավոր երկրպագուներ միացել են Ռուսաստանի ֆուտբոլային միության նախաձեռնությանը։

«Խորհրդանշական է, որ գավաթային շաբաթվա հանդիպումները վերածվել են համառուսաստանյան հարգանքի տուրքի այն մարդուն, որի անունը հավերժ գրվել է հայրենական ֆուտբոլի ոսկե պատմության մեջ։

Շնորհակալությո՛ւն, Նիկիտա Պավլովիչ։ Մենք հիշում ենք»,- ասվում է ՌԴ սպորտի նախարարության Telegram-ալիքի հաղորդագրության մեջ։