Ֆրանսիայում անկարգությունների հետևանքով այրվել է պատմական քաղաքապետարանի շենքը

Ֆրանսիայում՝ Լիմոժ քաղաքում, փողոցային անկարգությունների ժամանակ արտակարգ դեպք է տեղի ունեցել։ Հոկտեմբերի 17-ին ցուցարարները գրավել են քաղաքապետարանի շենքը և հրկիզել այն։ Կրակն արագ տարածվել է․ սկզբում այրվել են հարևանությամբ կայանված ավտոմեքենաները, այնուհետև պայթյուններ են տեղի ունեցել։

Հրշեջները ավելի քան մեկ ժամ փորձել են տեղայնացնել հրդեհը, սակայն կրակը տարածվել է դեպի տանիք։ Շուտով կրակն ընդգրկել է 43 մետր բարձրությամբ զանգակատունը, որը փլուզվել է՝ վնասելով տանիքի մի հատվածը։

France 3 հեռուստաալիքի տվյալներով՝ հրշեջները շարունակում են մարել հրդեհը։ Իրավիճակը բարդանում է նրանով, որ 1876 թվականին կառուցված և մշակութային ժառանգության օբյեկտների պետական գրանցամատյանում ընդգրկված շենքը շուրջ 150 տարվա պատմություն ունի։