Լարա Ֆաբիանի ռոմանսն ու Իգոր Կրուտոյի երաժշտությունը՝ «Պատերազմ և խաղաղություն» ֆիլմում

Իգոր Կրուտոյը երաժշտություն է գրել Սարիկ Անդրեասյանի «Պատերազմ և խաղաղություն» ֆիլմի համար՝ ավելի քան երեք ամիս աշխատելով սաունդթրեքի վրա՝ լիարժեք սիմֆոնիկ նվագախմբի հետ։

Կոմպոզիտորի խոսքով՝ իր գլխավոր խնդիրն էր պահպանել հավասարակշռությունը վեպի ռազմական և քնարական գծերի միջև։

«Նույնիսկ հնչյունների հսկայական գրադարանի առկայության դեպքում անհնար է հասնել կենդանի նվագախմբի հնչողության էֆեկտին։ Իսկապես բարձրակարգ ֆիլմերում հնչում է սիմֆոնիկ նվագախումբը․ դա մակարդակի ցուցիչ է»,- նշել է Կրուտոյը՝ ընդգծելով, որ ֆիլմի պրոդյուսերները կիսել են իր մոտեցումը։

Ֆիլմի առանձնահատուկ դրվագներից մեկը կլինի Նատաշա Ռոստովայի ռոմանսը՝ ֆրանսերենով, որը կկատարի Լարա Ֆաբիանը։