Սուրբ Գրիգոր Լուսավորիչ. Դնեպրոպետրովսկի Հայ Առաքելական եկեղեցին

Alpha News-ը շարունակում է ներկայացնել Սփյուռքում գործող հայկական եկեղեցիների մասին պատմող շարքը:

Դնեպրոպետրովսկում 2018 թվականի մարտի 17-ին բացվել է Հայ Առաքելական Սուրբ Գրիգոր Լուսավորիչ եկեղեցին, որը կառուցվել է շուրջ 15 տարի:

Տաճարի հիմքը դրվել է դեռևս 2003 թվականին՝ Դնեպրոպետրովսկի հայ համայնքի ակտիվ աջակցությամբ և հովանավորությամբ։

Տաճարի ակտիվ շինարարությունը սկսվել է 2010 թվականին, իսկ գմբեթավոր խաչերը օծվել են 2017 թվականին։

Տաճարին կից գործում է հայկական կիրակնօրյա դպրոց։ Շենքը կառուցվել է հայկական ճարտարապետության ավանդույթներով և երեսպատված է դեղձի երանգի տուֆով, որը Դնեպրոպետրովսկ է բերվել անմիջապես Հայաստանից:

Տաճարի ճարտարապետներն են Վարուժան Հայրապետյանը, Խաչիկ Դանիելյանը և Սամվել Մակյանը: Շենքի ճակատի զարդանախշերը կատարել է փորագրող Խաչատուր Հարությունովիչը։