Արցախի բնակչության համար նախատեսված ՀՀ կառավարության հումանիտար բեռը տեղափոխվել է Գորիս

«Որոշում է կայացվել Լեռնային Ղարաբաղի ժողովրդի համար նախատեսված ՀՀ կառավարության հումանիտար բեռը տեղափոխել Գորիս, որտեղից էլ հնարավոր կլինի կազմակերպել հումանիտար բեռի տեղափոխությունը Լեռնային Ղարաբաղ Կարմիր Խաչի միջազգային կոմիտեի և ՌԴ խաղաղապահ զորախմբի միջոցով» ։ 

«Արմենպրես»-ին այս մասին տեղեկացրել են ՀՀ վարչապետի որոշմամբ կազմավորված՝ ԼՂ-ում հումանիտար ճգնաժամի կառավարման աշխատանքային խմբից։

Ավելի վաղ համացանցում կադրեր էին հայտնվել, որոնցում երեւում էր հումանիտար բեռնատարների շարժը հակառակ ուղղությամբ։