Հռոմի պապը հետևում է իրավիճակին․ Հայաստանին ու Ադրբեջանին երկխոսության կոչ է արել

Այս օրերին ես հետևում եմ Լեռնային Ղարաբաղում փախստականների հետ կապված դրամատիկ իրավիճակին, հայտարարել է Հռոմի Ֆրանցիսկոս պապը։

«Ես կրկին դիմում եմ Ադրբեջանի և Հայաստանի միջև երկխոսության կոչով։ Հուսով եմ, որ կողմերի միջև բանակցությունները միջազգային հանրության աջակցությամբ կնպաստեն երկարաժամկետ համաձայնագրին, որը վերջ կդնի հումանիտար ճգնաժամին», — ասել է նա։