Էրդողանը ոսկոր է նետում ԱՄՆ-ին․ Վիկտոր Նադեին-Ռաևսկի

Ռուս արևելագետ, Ռուսաստանի գիտությունների ակադեմիայի համաշխարհային տնտեսության և միջազգային հարաբերությունների ինստիտուտի ավագ գիտաշխատող Վիկտոր Նադեին-Ռաևսկին Alpha News-ի հետ զրույցում մեկնաբանել է Շվեդիայի՝ ՆԱՏՕ-ին միանալու արձանագրությունը վավերացնելու Էրդողանի նախաձեռնությունը:

«Ընդհանրապես Էրդողանի մոտ բոլորովին այլ տրամադրություններ են լինում, քանի որ իրականում Շվեդիան առանձնապես չէր ձգտում կատարել Թուրքական պահանջները։ Արդյոք նրանք շատ մարդկանց են հանձնել, որոնց թուրքերը կասկածել են ահաբեկչության մեջ թուրքական կողմում։ Ոչ, ինչ-որ բան այնքան էլ լավ չէ, նրանք չէին ձգտում դա անել: Արդյոք նրանք ինչ-որ գործողություններ են ձեռնարկել Քրդստանի աշխատավորական կուսակցության դեմ։ Ոչ այնքան, քանի որ իրականում, Շվեդիայի խորհրդարանի 6 անդամները էթնիկ քրդեր են, ընդ որում՝ տարբեր քաղաքական կուսակցություններից, այդ թվում՝ Քրդստանի աշխատավորական կուսակցությունից։ Հիմնականում դրանք և՛ աջ, և՛ ձախ կուսակցություններն են, որոնք ներկայացված են ազգությամբ քուրդ պատգամավորներով», — կարծում է փորձագետը։

Alpha News-ի զրուցակցի կարծիքով՝ Էրդողանի գործողությունները պայմանավորված են սառը հաշվարկով, սակայն այդ նախաձեռնությունների արդյունքները տարբեր են լինում։

«Դե, միգուցե Էրդողանը ցանկանում էր ինչ-որ մեկին կամ ինչ-որ բան ուժեղացնել, բայց, ամենայն հավանականությամբ, դա Մերձավոր Արևելքում ՆԱՏՕ-ի դիրքորոշոմից տարբերվող սեփական դիրքորոշումն ինչ-որ կերպ հարթեցնելու նրա փորձն է: Դե, գոնե ինչ-որ ոսկոր նետել Միացյալ Նահանգներին, դա, ընդհանուր առմամբ, իհարկե, նման է Էրդողանի գործելաոչին։ Նա միշտ շատ բան է հաշվարկում։ Ճիշտ է, միշտ չէ, որ հաջող է, բայց փորձում է հաշվարկել», — ասում է Նադեին-Ռաեւսկին։

Փորձագետը կարծում է, որ Շվեդիայի՝ ՆԱՏՕ-ին անդամակցելու հարցում շատ բան կախված կլինի հենց Շվեդիայից, և շատ հարցեր կլուծվեն «գետնի վրա»: «Հավանաբար, անհրաժեշտ է ուժեղացնել պրոնատոյական ուժերի դիրքերը Շվեդիայում։ Բայց, որքանով դա իրատեսորեն կյանքի կկոչվի հենց շվեդների գործողություններով, մենք կտեսնենք գործողությունների միջոցով, երբ կստեղծվի նոր կառավարություն, երբ կձևակերպվեն Շվեդիայի արտաքին քաղաքականության նոր քայլերը։ Տեսնենք, թե որքանով դա կանդրադառնա իրական քաղաքականության վրա», — եզրափակել է քաղաքագետը։