Ռուսաստանի վրա դա այպես կազդի, ինչպես մանրագնդակը՝ փղին. Ֆրանց Կլինցևիչը՝ «Եվրոպական Մագնիտսկու ցուցակին» Հայաստանի անդամակցության մասին

Ռուս քաղաքական գործիչ, Դաշնային խորհրդի նախկին սենատոր Ֆրանց Կլինցևիչը Alpha News-ի հետ զրույցում մեկնաբանել է Հայաստանի անդամակցությունը «Եվրոպական Մագնիտսկու ցուցակին»։

«Մեծ հիմարություն: Ընդհանուր առմամբ, Ռուսաստանի համար դա ոչինչ չի նշանակում։ Պետության համար դա իրականում անհանգստանալու բան չէ։ Մանրագնդակ փղի համար:
Փաստն այն է, որ դուք տեսնում եք, թե ինչ է կատարվում այժմ Ուկրաինայի հետ, որն այսքան ժամանակ նորությունների առաջնագծում է։ Շուտով նրանց պարզապես ատելու են, պարզապես իրենք արդեն բոլորին նյարդայնացնում են այն պատճառով, թե ինչ է արվում և ինչպես է նա իրեն պահում և ինչպես են ուրիշները վերաբերվում նրան: Դա երկար չի տևելու:

Հայաստանը երկրորդ երկիրն է, որ նման բաների է մոտենում։ Դե ինչ կարող եք անել, պարոնայք, դուք ինքներդ եք կայացրել այս որոշումը։ Դե, քաղաքացիների փողերը տանելու են այնտեղ։ Միևնույն է, այդ գումարները դուրս են բերվել Ռուսաստանից և, որպես կանոն, անօրինական կերպով աշխատել։ Որտե՞ղ է մեր ռուս, ասենք, պաշտոնյաների, կոռումպացված չինովնիկների փողերի մեծ մասը, որոնք փորձում են ինչ-որ կերպ խնայել այն փոխկապակցված ընկերությունների, բիզնեսի միջոցով, այսպես ասած»,- կարծում է Կլինցևիչը։

Նախկին սենատորի խոսքով՝ Հայաստանի վարչապետն իր գործողություններում անկախ չէ և իր բոլոր քայլերն անում է իր ղեկավարների ցուցումով։

«Փաշինյանին կոշտ ասել են. «Եթե ուզում ես ինչ-որ ապագայի հեռանկար, ազատություն ունենալ և ինչ-որ տեղ ստացած փողով ազատ ապրել, ուրեմն արա այնպես, ինչպես ասում ենք»։ Փաշինյանը վաղուց բացահայտվել է որպես բացարձակ ոչ անկախ անձնավորություն»,- ընդգծել է քաղաքական գործիչը:

Մեր զրուցակիցը կարծում է, որ Նիկոլ Փաշինյանի երկակիությունն ու անկայուն պահվածքը, հատկապես Ռուսաստանի Դաշնության փոխվարչապետ Ալեքսեյ Օվերչուկի՝ Հայաստան կատարած վերջին այցի ֆոնին, պայմանավորված է Հայաստանի քաղաքական ղեկավարության կողմնակալությամբ։

«Օվերչուկի հենց ժամանումը և այնտեղ տեղի ունեցած կառուցողական խոսակցությունը ազդանշան էր, որ Ռուսաստանը փորձում է պահպանել այդ հարաբերությունները, որ դա շատ կարևոր է Հայաստանի համար, բայց, ինչպես տեսնում եք, ազդանշանները հաշվարկված չէին, ինչո՞ւ դա տեղի ունեցավ: Որովհետև Հայաստանի քաղաքական ղեկավարության մեջ չկա պետական ինքնիշխանություն և անկախություն, դե, օբյեկտիվ լինելու համար, անկեղծ ասեմ, որ Փաշինյանն ինձ համար պոտենցիալ դավաճան է։ Ի սկզբանե, նա իշխանության եկավ որպես դավաճան՝ համապատասխան մտադրություններով և այլն, և հետագայում օգտագործվեց Արևմուտքի այն ուժերի կողմից, որոնք Հայաստանի դեմ չեն աշխատում, թքած ունեն Հայաստանի, մարդկանց և այլնի վրա։ Նրանք աշխատում են միայն մեկ ուղղությամբ՝ ստեղծել ապակառուցողական գործընթաց և վարկաբեկել Ռուսաստանը»,- ամփոփել է Alpha News-ի զրուցակիցը։