Փաշինյանի այցը Ռուսաստան խոստովանություն է, որ չափազանց շատ են կապված մեր երկրները. Ֆյոդոր Լուկյանով

«Ռուսաստանը գլոբալ քաղաքականության մեջ» ամսագրի գլխավոր խմբագիր, «Արտաքին և պաշտպանական քաղաքականության խորհուրդ» ոչ կառավարական կազմակերպության նախագահ Ֆյոդոր Լուկյանովը Alpha News-ին մեկնաբանել է Հայաստանի վարչապետ Նիկոլ Փաշինյանի այցը Ռուսաստան։

Ըստ Լուկյանովի, եթե Փաշինյանը մերժեր այս հրավերը, դա կդիտարկվեր որպես վերջնական անջատում։

«Փաշինյանի այցը Սանկտ Պետերբուրգ՝ Եվրասիական բարձրագույն տնտեսական խորհրդի նիստին և ԱՊՀ ոչ պաշտոնական գագաթնաժողովին, պայմանավորված է նրանով, որ Հայաստանի վարչապետը և նրա թիմը լավ հասկանում են՝ եթե նա մերժեր այս հրավերը, ապա դա արդեն կդիտարկվեր որպես վերջնական անջատում` բոլոր հետևանքներով: Այդ հետևանքները կարող են բազմազան լինել, բայց Հայաստանի տնտեսության համար ակնհայտորեն անբարենպաստ են։ Դե, հավանաբար, այլ ոլորտներում էլ լավ բան տեղի չի ունենա»,- ասել է Լուկյանովը։

Նրա խոսքով, Երևանը չի պատրաստվում խզել հարաբերությունները Մոսկվայի հետ։

«Չնայած բացարձակապես հստակ արտահայտված ընթացքին, որը կասկածից վեր է, սա նման հեռավորություն է։ Բայց Երևանը, հավանաբար, չի պատրաստվում խզել հարաբերությունները, չի ուզում, ուստի այս այցը պետք է ցույց տա, որ անկախ ամեն ինչից Հայաստանն ու Ռուսաստանը մնում են սերտ հարաբերությունների մեջ։
Բայց մենք կտեսնենք, թե ինչպես կավարտվի այդ ամենը, կլինեն արդյոք արդյունքներ, արդյոք դրանք լավ կլինեն, բայց ժամանումն ինքնին խոստովանություն է, որ, այնուամենայնիվ, չափազանց շատ բան է կապում մեր երկրներին»,- եզրափակել է Լուկյանովը։