Եթե ՀԱՊԿ-ին օգնության հարցում է եղել, ապա թող հրապարակեն․ Տիմոֆեյ Երմակով

Alpha News-ի ուղիղ եթերում ռուս ռազմական թղթակից Տիմոֆեյ Երմակովը մեկնաբանել Է ՀԱՊԿ-ի հետ կապված իրավիճակը և ընդգծել, որ հայկական կողմը օգնության համար չի դիմել կազմակերպությանը:

«Հայկական իշխանությունները հայտարարել են, որ ՀԱՊԿ-ից օգնություն չեն ստացել, դրա համար պետք է հրաժարվել Ռուսաստանից և գնալ Արևմուտք։ Նախ՝ Փաշինյանը ստում է։ Ամենակարևորն այն է, որ ՀԱՊԿ-ից օգնություն և աջակցություն ստանալու համար այդ կազմակերպության անդամը պետք է դիմի նրան։ Հայկական կողմն ասում է, թե իբր սեպտեմբերին դիմել է ՀԱՊԿ-ին, սա շատ հետաքրքիր պատմություն է, որովհետև տեղի ունեցածի տարբեր վարկածներ ենք լսում։ Մինչ այժմ ոչ ոք կոնկրետ պատասխան չի տվել, թող բոլոր կողմերը, ի պատասխան հայաստանյան իշխանությունների մեղադրանքների, հրապարակեն փաստաթղթերը։ Եթե նման հարցում եղել է, իսկ այն պատրաստվում է գրավոր, դա միանգամայն պաշտոնական, կոնկրետ փաստաթուղթ է, թող այն հրապարակի ցանկացած կողմ։ Եթե այդպիսի խնդրանք չի եղել, ապա այստեղ մենք հանգում ենք տրամաբանական փակուղու: Չի կարելի ապացուցել այն, ինչ չկա։ Բայց, ըստ ամենայնի, նման խնդրանք չի եղել։ Հիշենք 2022 թվականի հունվարի իրավիճակը և Ղազախստանում տեղի ունեցած իրադարձությունները։ Ինչ էր այնտեղ: Ջարդեր են տեղի ունեցել Ղազախստանի խոշորագույն քաղաքներում։ Ինչ արեց նախագահ Տոկաևը: Նա դիմել է ՀԱՊԿ-ին, որից հետո զորքերի կոալիցիան մտցվել է Ղազախստան։

Վերադառնալով ֆորմալ գործողություններին, որոնք պետք է ձեռնարկեին հայկական իշխանությունները՝ նրանք ցանկանում էին աջակցություն ստանալ ՀԱՊԿ-ից։ Մեծ հարց է, թե ինչու դա չստացվեց Փաշինյանի մոտ, թեև իրականում պատասխանը չափազանց պարզ է։ Քանի որ Փաշինյանը պարզապես չի դիմել, նրան, հավանաբար, դա պետք չէր։ Ինձ մոտ մեկ այլ կարծիք էլ է առաջանում, թե ինչու Փաշինյանը չդիմեց ՀԱՊԿ-ին, չէ որ այդ ժամանակ նա կարող էր պատասխանատվությունն ամբողջությամբ հանել իր վրայից և ասել, թե ես դիմում եմ, իսկ դուք ինձ չեք օգնում։ Եվ այդ ժամանակ դա իսկապես կդառնար խոսակցության առարկա, իսկ հիմա մենք պարզապես չենք տեսնում խոսակցության առարկա։ Ինչ-որ մերկապարանոց մեղադրանքներ կան Փաշինյանից այն մասին, որ ՀԱՊԿ կոալիցիան չի պաշտպանել Հայաստանի սահմանները, բայց իրականում, կարծում եմ, նա նույնիսկ չի անհանգստացել դիմել», — ընդգծել է զինկորը։