Հայաստանում նախատեսվում են ցուցահանդեսներ և ֆլեշմոբեր՝ նվիրված «Արտեկ»-ի 100-ամյակին
17 Մարտի 2024, 11:45
2025 թվականին Ռուսաստանում տեղի կունենան միջոցառումներ՝ նվիրված «Արտեկ» միջազգային մանկական կենտրոնի 100-ամյակին: Ֆլեշմոբեր և միջոցառումներ տեղի կունենան նաև արտերկրում, այդ թվում ՝ Հայաստանում: Այս մասին ՏԱՍՍ-ին հայտնել է Միջազգային մանկական կենտրոնի տնօրեն Կոնստանտին Ֆեդորենկոն։
«Արտեկ»- ի ղեկավարի խոսքով՝ 100-ամյակին նվիրված միջոցառումները կմեկնարկեն արդեն 2024 թվականին։
Այսօր «Արտեկը» աշխարհի ամենամեծ միջազգային մանկական կենտրոնն է։ Նրա տարածքը գերազանցում է երկու հարյուր հեկտարը, որից մոտ կեսը զբաղեցնում են զբոսայգիները։ «Արտեկ»-ը վերածվել է զարգացած ենթակառուցվածքներով, սեփական կրթական տեխնոլոգիաներով և մշակութային ավանդույթներով տասնյակ ճամբարների համալիրի: Ամեն տարի «Արտեկ» է գալիս ավելի քան քառասուն հազար մարդ։ Ակնկալվում է, որ իր մեկդարյա հոբելյանին այն կընդունի իր երկու միլիոներորդ աշակերտին:
Հիմա եթերում
