Կրասնոդարի երկրամասի հայ համայնքները շարունակում են օգնություն ցուցաբերել բռնի տեղահանված արցախցիներին

Կրասնոդարի երկրամասի հայ համայնքները շարունակում են օգնություն ցուցաբերել Ադրբեջանի ագրեսիայի հետևանքով բռնի տեղահանված արցախցիների ընտանիքներին։ Այս մասին տելեգրամյան իր ալիքում հայտնել է Կրասնոդարի երկրամասի Ռուսաստանի հայերի միությունը։

Բելորեչենսկի շրջանի ՌՀՄ-ի տեղական բաժանմունքն աշխատանքներ է իրականացնում արցախցի ընտանիքների ադապտացման, աշխատանքի ընդունման և ուսման, առաջին անհրաժեշտության ապրանքների ձեռքբերման գործում աջակցելու ուղղությամբ: Կազմակերպվել է նաև Արցախի բնակիչների օգնության հավաք, որին մասնակցում են շրջանի բազմաթիվ բնակիչներ:

Օրերս Բելորեչենսկի շրջանի պաշտպանության նախարարության միջոցներով բազմազավակ ընտանիքների համար ձեռք են բերվել սառնարաններ, լվացքի մեքենաներ, սեղաններ, աթոռներ,պահարաններ և այլն, որպեսզի բազմազավակ ընտանիքները վերահաստատվեն նոր վայրում: