Ալեքսանդր Քեմուրջյան. Տիեզերքի հայ լեգենդը

Alpha News-ը շարունակում է ներկայացնել «Ալֆա պերսոնա» շարքը:

Այսօր լրանում է հայ խորհրդային ականավոր գիտնական, ինժեներ-կոնստրուկտոր, գյուտարար, աշխարհում առաջին լուսնագնացներ և մարսագնացների ստեղծող Ալեքսանդր Քեմուրջյանի ծննդյան 103-ամյակը։

Նա ծնվել է 1921 թվականի հոկտեմբերի 4-ին Վլադիկավկազում՝ հայկական ընտանիքում։ Երկրորդ համաշխարհային պատերազմի ժամանակ Քեմուրջյանը կամավոր մեկնել է ռազմաճակատ՝ դառնալով Կուրսկի ճակատամարտի մասնակից։ Պատերազմն ավարտել է 1945 թվականին Պոմերանիայում։

Աշխարհում առաջին անգամ Քեմուրջյանը ստեղծել է մոլորակագնացներ՝ «Լուսնագնացներ», մարսագնացներ, որոնք կարող էին ցատկելով տեղափոխվել Մարսի Ֆոբոս արբանյակում:
Տաղանդավոր ինժեների գիտական աշխատանքները վերաբերում են շարժիչների հովացման բարձրջերմաստիճանային համակարգերին, «Լուսնագնաց» կայանների ինքնագնաց շասսիների, մասնագիտացված ռոբոտների, Մարսի և նրա արբանյակ Ֆոբոսի մակերևույթի, Վեներայի ֆիզիկական հատկությունների ուսումնասիրման շարժական սարքերի ստեղծման հարցերին։

Օգտագործելով այս գործիքները՝ տվյալներ են ստացվել Լուսնի և Վեներայի հողի ֆիզիկական և մեխանիկական հատկությունների վերաբերյալ։

Ինժեները հեղինակ է ավելի քան 200 գիտական աշխատանքների, այդ թվում՝ հինգ մենագրության և 50-ից ավելի գյուտերի։

Ալեքսանդր Քեմուրջյանը տեխնիկական գիտությունների դոկտոր (1971 թ.), պրոֆեսոր (1971 թ.) է և Լենինյան մրցանակի դափնեկիր (1973 թ.)։

2006 թվականից Տիեզերագնացության ֆեդերացիան սահմանել է Ա.Լ. Քեմուրջյանի անվան մրցանակներ:

Ալեքսանդր Քեմուրջյանի անունն ընդգրկված է «20-րդ դարի նշանավոր մարդիկ» գրքում, որը հրատարակվել է Մեծ Բրիտանիայում:

1997 թվականին նրա անունով է կոչվել Արեգակնային համակարգի փոքր մոլորակներից մեկը։

Ալեքսանդր Քեմուրջյանը կյանքից հեռացել է 2003 թվականի փետրվարի 24-ին: Թաղված է Սանկտ Պետերբուրգի հայկական գերեզմանատանը։