«Ես միշտ ձեզ հետ եմ Հայաստանում՝ սրտով, հոգով և մարմնով». Դմիտրի Խառատյան
01 Հունիսի 2023, 18:45
«Ես երբեք չեմ թաքցրել, որ հայ եմ և հպարտ եմ դրանով։ Ինձ համար մեծ պատիվ է կրկին հայտնվել իմ պատմական հայրենիքում», — հայտարարել Է Դմիտրի Խառատյանը Երևանում Մոսկվայի «Դոմ Մոսկվի» մշակութագործարարական կենտրոնում կայացած իր ստեղծագործական հանդիպման ժամանակ ։
«Հայրս մեծացել Է Ուզբեկստանում, որտեղ ճակատագրի բերումով է հայտնվել։ Նա մանկուց ինձ պատմել է հայ ժողովրդի ճակատագրի, ցեղասպանության մասին, շատ բաների մասին, որոնք այն ժամանակ ոչ բոլորն էին հասկանում Ռուսաստանում և Խորհրդային Միությունում։ Դա դասագրքերում չէր: Դա պարզապես գենային հիշողություն է, որը փոխանցվել է հորից որդուն։
Այդ պատճառով, երբ եկավ անձնագիր ստանալու տարիքը, ես եկա անձնագրային գրասենյակ, և երբ աշխատակիցը ինձ հարցրեց ազգությունս, ես ասացի, որ հայ եմ։
«Քեզ հայելու մեջ նայիր, դոի ի՞նչ հայ ես»:
Ես պատասխանեցի, որ դա իմ կամքն է, իմ ընտրությունը։
«Ես ուզում եմ, որ անձնագրում գրված լինի՝ «հայ»։ Ես պարզապես հպարտ չեմ դրանով, ես բացատրում եմ իմ վերաբերմունքը մեր ազգի նկատմամբ, թե որքան կարևոր է ինձ հայ զգալը», — նշել է Դմիտրին։
2018 թվականին Երևանի քաղաքապետարանի ներկայացուցիչը Խառատյանին է հանձնել «Երևան քաղաքի Անձնագիր»:
«Շատ հուզիչ է, ինձ համար մեծ պատիվ է։ Ես շատ խորը և լուրջ եմ վերաբերվում Հայաստանին, և երբ դուք դիտեք ռուսական առաջին կամ այլ ալիքների հաղորդումները, անպայման ուշադրություն դարձրեք, որ իմ հետևից միշտ կախված է լինելու այդ անձնագիրը, ես միշտ ձեզ հետ եմ լինելու Հայաստանում՝ սրտով, հոգով և մարմնով։ Շնորհակալություն»:
Դերասանն առաջին անգամ Հայաստան էր եկել 1988 թվականին՝ Ֆիլմի նկարահանումներին մասնակցելու նպատակով, և հենց այդ ժամանակ տեղի ունեցավ Սպիտակի ողբերգական երկրաշարժը:
«Ես Հայաստանում հայտնվեցի ռոքի, ճակատագրի, գուցե Աստծո կամքով։ Առաջին անգամ Հայաստան եկա Միքայել Դովլաթյանի «Դեմքով դեպի պատը» ֆիլմի նկարահանումներին մասնակցելու համար։ Դեկտեմբերի 7-ին ես այստեղ էի՝ Երևանում, և հիշում եմ, թե ինչպես 11:41-ին մեզ բոլորիս ցնցեցին, և մենք միանգամից չհասկացանք, թե ինչ է կատարվում, բայց երեկոյան իմացանք, որ սարսափելի ողբերգություն է տեղի ունեցել», — պատմել է Խառատյանը։
Հիմա եթերում
