Ջեյհուն Բայրամովը Իգոր Խովաևի հետ հանդիպմանը կրկին հնչեցրել է ՀՀ սահմանադրությունը փոխելու պահանջը
25 Հունիսի 2024, 19:25
![](https://media.alphanews.am/wp-content/uploads/2023/12/02163809/24875836_0_0_1600_901_1920x0_80_0_0_82d54fff3c9beb7568e26ef0f437228e.jpg)
Ադրբեջանա-հայկական հարաբերությունների կարգավորման հարցերով Ռուսաստանի արտգործնախարարի հատուկ ներկայացուցիչ Իգոր Խովաևը ժամանել Է Բաքու, որտեղ հանդիպել է Ադրբեջանի ԱԳ նախարար Ջեյհուն Բայրամովի հետ:
Ադրբեջանական ԶԼՄ-ների հաղորդմամբ՝ հանդիպմանը քննարկվել են Ադրբեջանի և Ռուսաստանի միջև երկկողմ հարաբերությունները, տարածաշրջանային հարթակների շրջանակներում տարվող աշխատանքները, Ադրբեջանի և Հայաստանի միջև խաղաղ գործընթացի ներկա վիճակն ու հեռանկարները, իրավիճակը տարածաշրջանում:
Դրա հետ մեկտեղ, Ջեյհուն Բայրամովը Իգոր Խովաևին տեղեկացրել է Ադրբեջանի և Հայաստանի միջև խաղաղության պայմանագրի նախագծի շուրջ բանակցությունների մասին: Նա ընդգծել է, որ Հայաստանի Սահմանադրությունում և այլ օրենսդրական ակտերում Ադրբեջանի տարածքային ամբողջականության նկատմամբ պահպանվող նկրտումները խաղաղության գործընթացի հիմնական խոչընդոտն են: