Ուրուգվայում անցկացվել է Արամ Խաչատրյանի 120-ամյակին նվիրված համերգ
29 Հունիսի 2024, 19:27
![](https://media.alphanews.am/wp-content/uploads/2024/06/27105014/Wp0wPUUn7MK0WQUJwjBFq5od612AB6KRBADMlzZT.jpg)
Ուրուգվայի ամենահեղինակավոր համերգասրահում՝ Սոլիս թատրոնում, տեղի է ունեցել աշխարհահռչակ հայ կոմպոզիտոր Արամ Խաչատրյանի 120-ամյակին նվիրված համերգ, որի շրջանակներում ելույթով հանդես է եկել ՀՀ վաստակավոր արտիստ, անվանի դաշնակահար Հայկ Մելիքյանը:
Այս մասին նշված է Ուրուգվայում Հայաստանի Հանրապետության դեսպանության տարածած հաղորդագրության մեջ։
![](https://armenpress.am/storage/images/articles/2024/06/27/nsmgoGanb4PsOTsiDu8RiRVmIUC9e2mGkr1NW3bl.webp)
Համերգի ընթացքում Հայկ Մելիքյանը՝ Մոնտեվիդեոյի ֆիլհարմոնիկ նվագախմբի հետ և դիրիժոր Ալվարո Հակոբյանի ղեկավարությամբ, ներկայացրել է Արամ Խաչատրյանի հանրահայտ դաշնամուրային կոնցերտը: Երեկոյի ընթացքում Մոնտեվիդեոյի ֆիլհարմոնիկ նվագախմբի կատարմամբ հնչել են նաև Արամ Խաչատրյանի հանրահայտ այլ ստեղծագործություններ, այդ թվում՝ ‹‹Դիմակահանդես››-ի վալսը, ‹‹Զանգեզուրի քայլերգը››, ‹‹Գայանե›› բալետից հատվածներ և այլն:
![](https://armenpress.am/storage/images/articles/2024/06/27/SYSGOD9dWnOvXRUQQTUhNXHOOQFhboz7KuDNBtlI.webp)
![](https://armenpress.am/storage/images/articles/2024/06/27/UMikCiPwQjikN04xmYR0wlppmLkx3rNgNqJClZfB.webp)
![](https://armenpress.am/storage/images/articles/2024/06/27/DRoUz5NGCTATfHYdPncqZcEIEXGfUUjiz8K4qZzo.webp)
![](https://armenpress.am/storage/images/articles/2024/06/27/erIAFZddtIZcmKutS1FEVwBsC4pwvEsxKVtV4ekl.webp)