Արտեմ Միկոյան․ Ավիակոնստրուկտոր, ով «ՄիԳ»-ը համաշխարհային ճանաչման հասցրեց

Alpha News-ը շարունակում է ներկայացնել «Ալֆա պերսոնա» շարքը:

Հուլիսի 23-ը հայ խորհրդային ավիակոնստրուկտոր Արտեմ Միկոյանի ծննդյան օրն է:

Արտեմ Միկոյանը ծնվել է Սանահին գյուղում։ Քչերը գիտեն, բայց նրա իսկական անունը ոչ թե Արտեմ էր, այլ Անուշավան։

Բանակից հետո Միկոյանն ընդունվել է Ժուկովսկու անվան ավիացիոն ակադեմիա։ Իր ընկերների հետ միասին նա կառուցել է իր առաջին ինքնաթիռը՝ թեթև «Октябрёнок»֊ը, որն արժանացել է Գլխավոր աէրոակումբի բարձր գնահատականին:

Հայրենական մեծ պատերազմի տարիներին Միկոյանն ու Գուրևիչը մասնակցել են նոր ինքնաթիռների մշակմանը, որոնք առանց վրիպելու խոցել են հակառակորդի օբյեկտները, այդ թվում՝ հայտնի «ՄիԳ»-ը, որն իրեն փայլուն դրսևորել է պատերազմի տարիներին։

Ավելի ուշ ստեղծվեց «ՄիԳ» շարքը, այդ թվում՝ գերձայնային «ՄիԳ-25»-ը, որը դարձել է աշխարհում առաջին սերիական ինքնաթիռը, որը կարողացել է զարգացնել մինչև 3000 կմ/ժ արագություն։

Իր մասնագիտական գործունեության ողջ ընթացքում Միկոյանը ստեղծել է մեքենաների, ինքնաթիռների և հրթիռների ավելի քան 450 նմուշ: Նա պարբերաբար կատարելագործել է իր իսկ ստեղծած մշակումները։

Ականավոր ավիակոնստրուկտորի անունով են կոչվել փողոցներ և Երևանի 166-րդ դպրոցը, ինչպես նաև Գյումրիի զորամասերից մեկը: Բացի այդ, Միկոյանի պատվին նամականիշեր են թողարկվել։ Իսկ Ռուսաստանի մայրաքաղաքում գործում է ավիացիայի թանգարանը և Արտեմ Միկոյանի անվան մեքենաշինական գործարանը։ Ուլան-Ուդե քաղաքում էլ կա ավիակոնստրուկտոր Միկոյանի փողոց։

Հետաքրքիր փաստ. ԽՍՀՄ հայտնի պետական գործիչ Անաստաս Միկոյանը Արտեմ Միկոյանի ավագ եղբայրն էր: