Թեև երկրպագում եմ Սիթիին, բայց կա հայրենիք, կա Հենրիխ Մխիթարյան և ցանկությունս է, որ հաղթի Ինտերը. Վարուժան Սուքիասյան
10 Հունիսի 2023, 22:00
Հայաստանի հավաքականի նախկին գլխավոր մարզիչ Վարուժան Սուքիասյանը Alpha News-ի հետ զրույցում խոսել է այսօր Ստամբուլում կայանալիք «Մանչեսթեր Սիթի» — «Ինտեր» ֆուտբոլային խաղի և Հենրիխ Մխիթարյանի մասին։
Թեև երկրպագում եմ «Մանչեսթեր Սիթիին», բայց կա հայրենիք, կա Հենրիխ Մխիթարյան, կա հայկական ֆուտբոլ, և ցանկությունս կլինի, որ հաղթի «Ինտերը»։
Մեր պրոֆեսիոնալ, պատմության մեջ լավագույն ֆուտբոլիստ Հենրիխ Մխիթարյանը շանսեր ունի և կարող է դառնալ երրորդ գավաթակիրը. հենց դրա համար կցանկանամ, որ հաղթի Հենրիխի թիմը»։
Մարզիչի կարծիքով Հենրիխի վերջին խաղերի գոլերը ապացուցել են, որ նա կարող է հանկարծակի դուրս գալ հակառակորդի տուգանային հրապարակ և դառնալ գոլերի հեղինակ։
«Մեզ մնում է և մենք պետք է ուրախանանք նրա գոլերով»,- եզրափակել է Սուքիասյանը։
Ավելին` տեսանյութում
Հիմա եթերում
