Հայկական ազգային խոհանոցը կներկայացվի Նովգորոդի «ԳաստրոԱՄԱՌ» փառատոնին

Նովգորոդ քաղաքի Կրեմլի այգում այսօր կանցկացվի «ԳաստրոԱՄԱՌ» փառատոնը, որտեղ համալսարանականները քաղաքի բնակիչներին և հյուրերին կներկայացնեն իրենց հայրենիքը՝ Հայաստանը։

Փառատոնի ճաշացանկի հիմնական ուտեստը լինելու է հայկական ազգային խոհանոցի խորհրդանիշներից մեկը՝ դասական քյուֆթան։

Մնացած հյուրասիրությունները կազմակերպիչները գաղտնի են պահում, որպեսզի բոլորը կարողանան գալ և անձամբ գնահատել դրանք: Միջոցառման հյուրերին կներկայացվի երկրի մասին հետաքրքիր պատմություն, կլինի ազգային տարազի շնորհանդես, վարպետության դաս, ավանդական խաղեր, վոկալ և գործիքային կատարումներ: