Ռոստովի Միկոյան գյուղում օծվել է Սուրբ Հարություն մատուռը

Ռոստովի մարզի Միկոյան գյուղում տեղի է ունեցել Սուրբ Հարություն մատուռի օծումը: 1929 թվականին այդ տարածքը դարձել է Արևմտյան Հայաստանից ներգաղթյալների երկրորդ տունը։ Այդ ժամանակ էլ ստեղծվել է Միկոյան գյուղը։

Միջոցառումը համախմբել է բազմաթիվ մարդկանց, որոնց համար երկրամասի այս անկյունը հարազատ է դարձել։ Մարդիկ հավաքվել էին տարբեր մարզերից՝ մասնակցելու այս նշանակալի իրադարձությանը: Ռուսաստանի և Նոր Նախիջևանի թեմի առաջնորդ Եզրաս արքեպիսկոպոս Ներսիսյանի օրհնությամբ մատուռի օծման արարողությունը կատարել է Հայ Առաքելական Եկեղեցու Կրասնոդարի և Հյուսիսկովկասյան թեմի առաջնորդ Մովսես արքեպիսկոպոս Մովսեսյանը:

Մատուռի ստեղծումը հնարավոր է դարձել հայ համայնքի ոչ անտարբեր ներկայացուցիչների գործուն մասնակցության շնորհիվ։ Սուրբ Հարություն մատուռը դարձել է նախնիների հիշատակի հանդեպ հոգատար վերաբերմունքի և հայկական սփյուռքի հոգևոր կյանքի հերթական վերելքի խորհրդանիշը: