Աբխազիային անհրաժեշտ է ավելի լուրջ ինտեգրում Ռուսաստանի հետ. Եվգենի Կրուտիկով

Քաղաքագետ Եվգենի Կրուտիկովը Alpha News-ի հետ զրույցում մեկնաբանել է իրավիճակն Աբխազիայում։

«Աբխազիայում տեղի կունենա այն, ինչ գրված է օրինական կառավարության և փողոցային ընդդիմության միջև կնքված համաձայնագրում։ Կլինի խորհրդարանի նիստ, որը կհաստատի այս բոլոր ժամանակավոր փոփոխությունները։ Դրանից հետո պետք է նշանակվի նոր ընտրությունների օրը և սկսվի նախընտրական քարոզարշավը։ Այն արդեն ընթանում է, և այն ամենն, ինչ տեղի է ունենում, ըստ էության, իշխանության համար պայքարի հերթական փուլն է, միայն մի փոքր ավելի քաղաքակիրթ մեթոդներով։ Ինչպես Աբխազիայի Հանրապետության, այնպես էլ աբխազական հասարակության արմատական խնդիրները չեն լուծվել այս քառօրյա դիմակայության ընթացքում, և չեն էլ լուծվի ապագա ընտրություններում, ինչ թեկնածուներ էլ առաջադրվեն, և ինչի էլ դա հանգեցնի։

Աբխազիան պահանջում է հանրապետության տնտեսական իրավիճակի արմատական լուծում, բացի այդ, կան աբխազական հասարակության հին խնդիրներ, որոնք բերել են այս ամենին և արդեն բազմիցս հանգեցրել են հանրապետության քաղաքական կյանքում ոչ այնքան գեղեցիկ փոփոխությունների: Կա կլանային խնդիր, կա սոցիալական կախվածության խնդիր՝ պետական առումով։ Նրանք շատ են սովորել Ռուսաստանից անընդհատ կանխիկ դրամական ներարկումների մթնոլորտում լինել, որոնց համար պետք չէ պատասխան տալ։ Ոչ ոք պատասխանատվություն չի կրում իր գործողությունների համար, նույնիսկ հիմա: Ոչ ոք, օրինակ, չի հաշվարկի, թե որքան ֆինանսական վնաս են հասցրել այդ չմտածված գործողությունները, որոնցով տարատեսակ ընդդիմությունը չորս օր առաջ մարդկանց փողոց դուրս բերեց։, — ասել է Կրուտիկովը։

Նրա խոսքով՝ Աբխազիայի խնդիրները չեն լուծվի ոչ նման մեթոդներով, ոչ էլ նույնիսկ նոր քվեարկությամբ։

«Միակ բացառությամբ, եթե հաջորդ ընտրություններում հաղթի այն թեկնածուն, որը կկարողանա աբխազական հասարակությանը պարտադրել սոցիալական փոփոխությունների և ավելի լուրջ ինտեգրում Ռուսաստանի Դաշնության հետ նոր սկզբունքներով։

Օրենսդրության ինտեգրումը չի նշանակում Ռուսաստանի օրենսդրության ամբողջական պատճենում։ Ինտեգրումը կապված է փոխադարձ վստահության համակարգի ստեղծման հետ։ Առայժմ այն բացակայում է։ Կա միայն արտաքին պարագծով երկրի անվտանգության համակարգ, որը կառուցել է Ռուսաստանը։ Բայց չկա ներքին վստահության մթնոլորտ։ Սուխումիում փողոցային հանրահավաքներին և կառավարական շենքերի գրավման գործողությանը մասնակցել է 2-2,5 հազար մարդ։ Մոտավորապես նույն թվով մարդիկ կարող էին կազմակերպվել հեռացող նախագահին պաշտպանելու համար: Աբխազիայի բնակիչների մեծ մասը չի մասնակցել ո՛չ փողոցային բախումներին, ո՛չ բողոքի ցույցերին», — եզրափակել է Կրուտիկովը։