Ադելիա Պետրոսյանը հաղթել է Ռուսաստանի Գրան Պրիի երկրորդ փուլում

Հայազգի ռուս գեղասահորդուհի Ադելիա Պետրոսյանը հաղթել է Օմսկում ընթացող գեղասահքի Ռուսաստանի Գրան պրիի երկրորդ փուլում։

ՌԻԱ Նովոստիի փոխանցմամբ՝ 16-ամյա Պետրոսյանն ստացել է 164,83 միավոր և ընդհանուր առմամբ հավաքել 236,31 միավոր։ Երկրորդ տեղը զբաղեցրել է Ալինա Գորբաչովան (205,71), երրորդը՝ Մարիա Աղաեւան (202,29)։

Գեղասահորդուհին օրեր առաջ հաղթել էր Ուֆայում ընթացող Ռուսաստանի Գրան պրիի առաջին փուլում։