Ադելիա Պետրոսյանը Օմսկում կմասնակցի գեղասահքի Ռուսաստանի առաջնությանը

Դեկտեմբերի 19-ից 22-ը Օմսկի «G-Drive Arena» սառցադաշտում կկայանա գեղասահքի Ռուսաստանի առաջնությունը։ Կանանց շրջանում գլխավոր ֆավորիտը համարվում է հայազգի գեղասահորդուհի, գեղասահքի Ռուսաստանի գործող չեմպիոնուհի Ադելիա Պետրոսյանը:

Առաջիկա առաջնությունը կամփոփի մրցաշրջանի առաջին կեսի արդյունքները։

Լրատվամիջոցներն ակտիվորեն քննարկում են այն լուրերը, որ ISU-ն (Չմշկորդների միջազգային միություն) ռուս գեղասահորդներին թույլ կտա մասնակցել Օլիմպիական խաղերի ընտրական մրցաշարին, որտեղ կխաղարկվեն Միլանի վերջին քվոտաները: Այս մրցաշարը կանցկացվի Պեկինում 2025 թվականի սեպտեմբերի 17-21-ը: Սպասվում է, որ մարտին կայանալիք ISU-ի խորհրդի առաջիկա նիստում որոշում կկայացվի ռուսաստանցի մարզիկներին չեզոք կարգավիճակով մրցումներին վերադարձնելու մասին: